Son Xəbərlər
Oxunub : 17 | Tarix : 06:05 | Bölmə: gundem, maraqli

Gələcəyin “gitara-təyyarə”si: ekoloji təmiz, qənaətcil - FOTO

BƏSDİ VƏLİYEVA AZTURK.TV
Niderlandın Delft Texniki Universitetinin mühəndisləri “Flying-V” laynerinin modelini hazırlayıblar.

Nat-Geo xəbər verir ki, qeyri-adi konstruksiyaya malik, ekoloji təmiz və qənaətcil laynerə “Airbus A350” təyyarəsindən 20 faiz az yanacaq lazımdır. Sərnişin tutumu 314 nəfər, qanadlarının genişliyi isə 65 metr təşkil edir.


Bu hava gəmiləri üçün ayrıca uçuş-eniş zolağı, traplar, anqarlar inşa etməyə ehtiyac yoxdur: “Airbus” və “Boeing” laynerlərinin istifadə etdikləri onları qane edir.


“İnqilabi” təyyarələr rok musiqisinin Cimi Hendriks, Kit Riçards kimi bir çox ulduzlarının ifa etdiyi “Gibson Flying-V” əfsanəvi elektrik gitaralarının şərəfinə belə adlandırılıb. Laynerin “V” formalı xarici görünüşü məhz bu musiqi alətini xatırladır.

Digər təfərrüatlar isə hələlik sirr saxlanılır. Təqdimatın oktyabrda, Amsterdam aeroportunun 100 illik yubileyində keçiriləcəyi gözlənilir.

Oxşar xəbərlər